Týskvøldið 8. apríl kl. 19-21 verður Martin Fjallstein aftur við tveimum evnum. Tórhild Bjarkhamar syngur tveir sangir og Jógvan við Keldu situr við klaverið. Eisini verður nógvur felagssangur. Atgongumerkið 80 kr. Øll eru hjartaliga vælkomin!
Vit taka næsta stig í menningini av ferðavinnuni, øll sum hava áhuga eru vælkomin. Fundurin verður hósdagin 10. apríl klokkan 17:00 til 18:30 Vinaliga boða frá luttøku til rutha@eystur.fo í seinasta lagi mánadagin 7. apríl.
Í ár verður aftur listaframsýning, og sum nakað nýtt verður ein fjølbroytt framsýning frá Kvøldskúlanum partur av páskasýningini. Framsýningin umfatar: drama, dans, venjing og rørslu, barnakór og føroyskan dans. Listasýningin: 1. páskadag kl. 15 - 19, og 2. páskadag kl. 14 - 19 Kvøldskúlaframsýningin: 2. Páskadag kl. 14
Hetta skeiðið verður í seinni helvt av apríl, nærri kunning seinni.
Í samband við at bókasøvnini kring landið seta fokus á heimsmálini, skipar bókasavnið í Leirvík fyri Ruskbingo. Tiltakið byrjar týsdagin 22. apríl og endar 28. apríl. Tey, ið hava fulla plátu, vinna ein virðisseðil, har tey kunnu keypa ein kramarís í Effo, Leirvík.
Leirvíks Páll skótarnir skipa aftur í ár fyri flaggdagshaldi í Leirvík. Tiltakið verður úti í Bug fríggjadagin 25. apríl kl 15:00 Úlvar og skótar møta í búna í skótahúsinum kl 14:30, har skrúðgongan byrjar.
Leygarkvøldið 26. apríl kl. 18 bjóðar Báta- og listasavnið í Leirvík til eina serliga konsertuppliving við Kára P. Atgongumerki fáast á atgongumerki.fo Øll eru hjartaliga vælkomin!
3. mai kl. 10:00 er kafé í Filadelfia. Hugnalig samvera, sangur og drekkamuður. Øll hjartaliga vælkomin!
Lávusarhús opnar hurðarnar fyri nýggjum og forvitnum bindarum 6 mai! Her kanst tú royna at binda við ymiskum sløgum av tógvi, eisini tógv úr føroyskari ull. Tiltakið er ætlað ferðafólkum. Meira info: whatson.fo
Leygardagin 17. mai verður endin á ársins ódnartøkum. Rógvarar í øllum aldri og førleikum koma at kappast Tiltakið er ókeypis. Komið framvið!
Leygarkvøldið 17. Mai kl. 20.30 í Tøting! Atgongumerki á 150 kr. (tó bert 100 kr. fyri limir í Grót), fáast á atgongumerki.fo Limir í Grót ið eru 18 ár og yngri, hava ókeypis atgongd.
Næmingakonsertin hjá Eysturkommunu tónlistaskúla verður kl. 17:30 í kvøld, í miðhølluni í Leirvíkar skúla Øll eru hjartaliga vælkomin!
